အိပ်နေစဉ်လမ်းလျှောက်ခြင်း (Sleep walking)

• အိပ်နေစဉ်လမ်းလျှောက်ခြင်း (Sleep walking) ဆိုတဲ့ ရောဂါဟာ ကလေးတွေမှာပိုပြီး အဖြစ်များပါတယ်။ 

• မျိုးရိုးနဲ့လည်း သက်ဆိုင်တဲ့အတွက် မိသားစုထဲမှာ ဒီလိုရောဂါ ရာဇဝင်မျိးရှိတယ်ဆိုရင်လည်း ဖြစ်တတ်ပါတယ်။ 

အိပ်နေစဉ်လမ်းလျှောက်ခြင်းကို ဖြစ်စေတဲ့ တခြားသောအကြောင်းအရာတွေကတော့ -

• အလွန်အမင်းအိပ်ရေးပျက်ခြင်း

• စိတ်ဖိစီးမှုများခြင်း

• ဖျားနေခြင်း

• အိပ်နေစဉ် အသက်ရှူနှုန်းပုံမှန်မဟုတ်ခြင်း

• အရက်၊ မူးယစ်ဆေးဝါးသုံးစွဲခြင်း

• စိတ်ရောဂါနှင့် သက်ဆိုင်သော ဆေးဝါးများ သောက်နေရခြင်းတို့ဖြစ်ပါတယ်။ 

ရောဂါလက္ခဏာတွေကဘာတွေလဲ

• အိပ်နေရာမှထပြီး တစ်အိမ်လုံးလျှောက်သွားခြင်း

• အိပ်ရာပေါ်တွင် မျက်လုံးဖွင့်လျက်နှင့်ထိုင်နေခြင်း

• မျက်လုံးအမူအရာက တစ်စုံတစ်ခုကို ငေးကြည့်နေသလိုဖြစ်နေခြင်း

• ဖြစ်နေစဉ်ကာလတွင် နှိုးဖို့ခက်ခဲခြင်း

• နိုးလျှင်လည်း အာရုံမစုစည်းနိုင်ဘဲ ရှုပ်ထွေးနေခြင်း

• အဖြစ်အပျက်များကို မနက်အိပ်ရာထချိန်တွင် ပြန်မမှတ်တော့ခြင်း

• ညဖက်အိပ်မက်ဆိုးများမက်ခြင်း စတဲ့လက္ခဏာတွေ ခံစားရနိုင်ပါတယ်။ 

ဒါအပြင် 

• အိပ်နေရင်းလမ်းလျှောက်တဲ့သူဟာ စကားပြောနေခြင်း၊ အစာစားခြင်း၊ အဝတ်လဲခြင်းကဲ့သို့သော နေ့စဉ်အလုပ်တွေ လုပ်နေတတ်ခြင်း

• အိမ်အပြင်ထွက်သွားခြင်း

• ကားမောင်းသွားခြင်း

• လှောကားဆင်းခြင်း၊ ပြတင်းပေါက်မှခုန်ချခြင်း 

စတဲ့ သူ့ကိုယ်သူ ထိခိုက်ဒဏ်ရာရစေနိုင်တဲ့ အပြုအမူတွေလည်း လုပ်နိုင်တဲ့အတွက် အိမ်သားတွေက သတိထားကြည့်ရှုဖို့လိုပါတယ်။ 

ဘယ်လိုကုသလို့ရသလဲ

Sleep walking ရောဂါဟာ ဆရာဝန်နဲ့ သေချာပြသပြီး စနစ်တကျ ကုသဖို့လိုအပ်ပါတယ်။ 

ဆရာဝန်ညွှန်ကြားတဲ့ ဆေးဝါးများနဲ့လည်း ကုသရသလို လူနာရဲ့ နေထိုင်မှုပုံစံကို ပြောင်းလဲပေးခြင်းကလည်း များစွာ အထောက်အကူပေးပါတယ်။ ဥပမာ -

• လူနာရဲ့ပတ်ဝန်းကျင်မှာ သူ့ကိုထိခိုက်မှုဖြစ်စေမဲ့ ပစ္စည်းတွေမရှိရအောင် ရှင်းလင်းထားခြင်း

• အိပ်နေရင်းလမ်းလျှောက်နေသူကို သူ့အိပ်ရာဆီရောက်အောင် အသာအယာ ပြန်ခေါ်ဆောင်သွားခြင်း

• အိပ်ရေးဝအောင်အိပ်စက်ခိုင်းခြင်း

• သူ့ရဲ့အိပ်ခန်းကို သက်သောင့်သက်သာနဲ့ တိတ်ဆိတ်အောင်ထားခြင်း

• အိပ်ရာမဝင်ခင် စာအုပ်ဖတ်စေခြင်း၊ ရေနွေးနွေးနှင့်ရေချိုးခြင်း စတဲ့အချက်တွေဟာ လူနာအတွက်များစွာ အထောက်အကူပေးပါတယ်။ 

Credit: Dr. Hsu